Knattspyrnuþjálfarafélag Íslands

2. grein.
Félagið er félag knattspyrnuþjálfara á Íslandi með eigin fjárhag og lög.

3. grein.
Markmið og tilgangur félagsins skulu vera:

• Að sameina knattspyrnuþjálfara í eitt félag
• Að vinna að hagsmunamálum knattspyrnuþjálfara í hvívetna
• Að auka áhuga á knattspyrnuþjálfun
• Að stuðla að því að allir þeir sem starfa við þjálfun, hafi hlotið undirstöðumenntun í knattspyrnuþjálfun
• Að auka menntun þeirra, er starfa að tilsögn og þjálfun í knattspyrnu
• Að kappkosta að eiga sem best samstarf við KSÍ og alla þá sem vinna að eflingu og útbreiðslu knattspyrnunnar
• Að koma á og viðhalda samskiptum við knattspyrnuþjálfarafélög erlendis

4. grein.
Markmiðum sínum skal félagið m.a. ná með því að:

• Halda skrá yfir alla félagsmenn og innheimta árgjald
• Veita þjálfurum aðstoð og ráðgjöf í hagsmunamálum
• Halda fræðslufundi og ráðstefnur um knattspyrnuþjálfun
• Gera kröfur um lágmarksmenntun fyrir aðild að félaginu

5. grein.
Innganga í félagið skal öllum heimil sem starfa við eða hafa starfað við knattspyrnuþjálfun. Félagar verða fullgildir meðlimir þegar þeir hafa greitt árgjald til félagsins. Félagsmenn þurfa að hafa lokið tveimur fyrstu námskeiðsstigum KSÍ fyrir knattpsyrnuþjálfara, eða sambærilegri menntun, innan tveggja ára frá inngöngu í félagið. Hafi þeir ekki lokið þessu námi innan tiltekins frests, missa þeir rétt til aðildar að KÞÍ.

6. grein.
Árgjöld félagsmanna skulu ákveðin á aðalfundi hverju sinni. Aðeins skuldlausir félagsmenn hafa atkvæðisrétt á aðalfundi. Heiðursviðurkenningahafar KÞÍ eru undanþegnir greiðslu árgjalds og teljast fullgildir félagar í KÞÍ.

7. grein.
Stjórn félagsins skipa fimm menn, formaður og fjórir meðstjórnendur. Í varastjórn skal kjósa tvö menn. Meðstjórnendur skipta þannig með sér verkum: varaformaður, gjaldkeri, ritari og spjaldskrárritari. Formaður skal jafnan kosinn til tveggja ára í senn. Aðra stjórnarmenn skal einnig kjósa til tveggja ára og skal ár hvert kjósa tvo þeirra. Varamenn skulu kosnir til eins ársí senn. Stjórnin skiptir með sér verkum en þó skal formaður kosinn sérstakri kosningu, sbr. 10. grein.

8.grein.
Stjórnarfundi boðar formaður, þegar hann eða meirihluti stjórnar telur nauðsynlegt. Ákvarðanir stjórnar öðlast gildi með einföldum meirihluta.

9. grein.
Aðalfund félagsins skal halda árlega á tímabilinu 15. september til 31. desember. Auglýsa skal aðalfund með tveggja vikna fyrirvara í fjölmiðlum. Reikningsár KÞÍ er starfsárið. Rétt til setu á aðalfundi, auk félagsmanna, eiga stjórn og varastjórn KSÍ, fræðslunefnd KSÍ og framkvæmdastjóri KSÍ. Hafa þessir aðilar málfrelsi og tillögurétt.

10. grein.
Dagskrá aðalfundar skal vera sem hér segir:

• Fundarsetning.
• Kosning fundarstjóra og fundarritara.
• Skýrsla stjórnar.
• Reikningar félagsins.
• Lagabreytingar.
• Kosning formanns, meðstjórnenda og varamanna, skv. ákvæðum 7. greinar.
• Kosning tveggja skoðunarmanna reikninga.
• Ákvörðun um árgjald skv. 6. grein.
• Önnur mál.
• Fundi slitið.

11. grein.
a) Breytingar á lögum þessum má aðeins gera á aðalfundi og þurfa ¾ fundarmanna að greiða þeim atkvæði.
b) Tillaga um að leggja KÞÍ niður hlýtur ekki endalega afgreiðslu fyrr en á framhaldsaðalfundi og þurfa ¾ hlutar fundarmanna að greiða tillögunni atkvæði.
c) Framhaldsaðalfundur skal vera auglýstur með einnar viku fyrirvara.
d) Verði félagið lagt niður afhendast gögn og sjóður þess Knattspyrnusambandi Íslands.

12. grein.
Lög þessi öðlast þegar gildi.